BEISEINA DAWRAWM

Peikhawk bun tur min hlui tel lovin
Hringnun hling hmunah min hnutchhiah a,
Boruak hipna dawt min pe tel lovin

Hmangaihna lipui thuk berah min hnim pil a,
Inkhaichhuahna tur hruihrual thlak tel duh si loin
Beidawnna khuarkhuhrumah min nam thla a,
Mahse, hmangaihna hming avang chauh tal pawhin
Ka kawng chu ka rawn zawng hmu leh ang a,
Thinlung kehchhe tur pakhat tal ka dan theih chuan
Ka nun hian awmze thar a nei leh ngei ang.