Kar Lam Hla

Ka la kal ngai lohna hmunah riahrun i rem a,
Ngaihruat pawh ka thiam lohna hmunah laitual i leng a,
Nui hiauvin ka chhingmit thlir phak piahah hun leh ni i chhiar a,
Boruak thianga i zun leng velte chuan tangah min phuar si amaw;
Phuarna hrui hmawr vuantu chu ka rawn zawng ang!
Ka rawn zawng ang che, an sawi chhimbal zungkaihna thleng pawhin;
Ka rawn zawng zel ang che, chatuan leh nikhat a kin thleng pawhin.