Misual Chhandamna

Khawvel chhandam tura lokal Isua,
A tlawm lua e, a pianna leh thihna;
Bawng in tlawm a bel, hruihrualin an vua,
Kraws puin Kalvari-ah a fam ta.

Hmanah Mosian dar rul a khai kang a,
Rul chuk miin a en a, a dam ang khan,
Kraws-a tuar Lal Isua hmel en ila,
Damna kan chang ang tisa thlarauvan.

Mifel thih ang thi tlak lo thihna khan,
Chatuan mei ata hringfate min chhan;
Sual ber anga thi mi fel famkim khan,
Chatuan  nun ka neihnan a nun a hlan.

Kei misual min tlannan thih a thlang maw,
A tan theih tawk hlan ve thei ila aw.